Кыргызстандын транспорт министринин орун басары Алмаз Тургунбаев Кабулда Ооганстандын Транспорт жана жарандык авиация министринин орун басары Абдул Хайдари менен сүйлөшүүлөрдү өткөрдү. 

Кыргызстан Ооган тарапка 1000 бирдик көлөмүндөгү эл аралык жүк ташууга уруксат бланктарын 2026-жылга алмаштырууну сунуш кылды. Афганистан кыргыз тараптын демилгесин колдоду, ошондой эле Ооган тарап транзит жөнүндө эки тараптуу келишим түзүү сунушун киргизди.

Жетишилген макулдашуулар Кыргызстан менен Афганистандын ортосунда эл аралык жүк ташууларды өнүктүрүү үчүн жаңы мүмкүнчүлүктөрдү ачат. Транспорттук кызматташтыкты кеңейтүү региондогу өлкөлөрдүн ортосундагы экономикалык байланыштарды чыңдоого жана транзиттик потенциалды өнүктүрүүгө өбөлгө түзөт.