Кыргызстандын Маданият, маалымат жана жаштар саясаты министрлиги 14 жаштан 35 жашка чейинки жарандар арасында «Кыргызстан үчүн 100 идея» республикалык сынагын жарыялады.

Сынакка окуучулар, студенттер, окумуштуулар жана иштеп жаткан жаштар катыша алышат. Долбоорлор сегиз багыт боюнча каралат:

• илим жана изилдөө;
• IT-чөйрөсү жана креативдүү индустрия;
• медицина;
• экологияны сактоо;
• социалдык чөйрө;
• туризм;
• өндүрүштүк технологиялар жана өнөр жай инфратүзүмү;
• коопсуздук.

Катышуу үчүн паспорттун көчүрмөсү, 3×4 өлчөмүндөгү сүрөт, долбоордун сыпаттамасы жана PowerPoint же PDF форматындагы презентация, же 5 мүнөттөн ашпаган видеоролик тапшыруу талап кылынат. Баалоодо долбоордун практикалык мааниси жана ишке ашыруу мүмкүнчүлүгү эске алынат.

Ар бир багыт боюнча жеңүүчүлөргө диплом жана акчалай сыйлыктар тапшырылат. Мындан тышкары, алар 2027-жылы өтө турган «КМШ үчүн 100 идея» эл аралык сынагына жолдомо алышат.

Документтер 2026-жылдын 5-октябрынан 5-ноябрына чейин кабыл алынат.