Ат-Башы – Кынды – Торугарт автоунаа жолундагы Кында ашуусу убактылуу транспорт кыймылы үчүн жабылды. Транспорт жана коммуникациялар министрлигинин маалыматына караганда, ашуу аркылуу жүрүүгө 2026-жылдын 1-апрелине чейин чектөө киргизилди.

Бул чечимдин себеби — кышкы мезгилде аба ырайынын начарлашы жана кар көчкү коркунучунун жогорулашы.

Жакынкы күндөрү Калмак-Ашуу ашуусун да жабуу күтүлүүдө. Эске сала кетсек, буга чейин кыш мезгилине байланыштуу Жалал-Абад облусундагы Кара-Буура жана Сары-Кыр ашууларында да кыймыл чектелген болчу.