Депутат Улан Бакасов педофилдерди хирургиялык жол менен бычуу тууралуу мыйзам долбоорун иштеп чыкты. Бул тууралуу эл өкүлү Reporter.kg’ге Кыргызстанда өлүм жазасын киргизүү демилгеси боюнча оюн айтып жатып билдирди.

Бакасов белгилегендей, ал педофилдерге өлүм жазасын киргизүүнү колдойт. Бирок ал үчүн Конституцияга өзгөртүү киргизүү керек болот. Андан тышкары өлүм жазасы боюнча Кыргызстандын башка эл аралык уюмдар алдында милдеттенмелери бар болууда.

Анын айтымында, мыйзам долбоору 1-2 күндө коомдук талкууга чыгарылат.

Эскерте кетсек, буга чейин Кыргызстанда педофилдерди химиялык жол менен бычуу жазасын киргизүү аракеттери болгон. 2013-жылы ал демилгени президент Алмазбек Атамбаев артка кайтарган.

Бардык жаңылыктар Телеграм каналда