Бишкекте Mtalx иш-чарасында MPay жаңы төлөм технологиясы тааныштырылды. Ал интернетке туташпай туруп эле накталай эмес төлөмдөрдү жүргүзүүгө мүмкүндүк берет.

Чечимди иштеп чыккан MBANK коммерциялык банкы белгилегендей, бул система популярдуу Apple Pay жана Google Pay кызматтарынын аналогу болуп саналат.

Технология уюлдук байланышка же Wi-Fi түйүнүнө карабастан төлөм жүргүзүүнү камсыздайт. Ал түз Bluetooth аркылуу иштейт.

Интернет аркылуу серверге кайрылууну талап кылган стандарттуу QR-төлөмдөрдөн айырмаланып, ал смартфонду терминалга же төлөм кабыл алуу функциясы бар башка смартфонго жакындатуу менен транзакция жасоого мүмкүндүк берет.

Технология ишке киргизилип, Кыргызстандын аймагында колдонуучуларга жеткиликтүү болду.