Кыргызстандык боксчулар Испанияда өткөн Boxam эл аралык мелдешинде 4 медаль утту. Бул тууралуу Дене тарбия жана спорт департаментинен билдиришти.

Медалдардын бирөө алтын, бирөө күмүш жана экөө коло.

Алтын байгени 67 кг салмакта Ихтияр Нишанов утса, 57 кг салмакта Ислам Төрөбаев күмүшкө татыды.

Коло байгени Санжай Сейдакматов (54 кг) жана Нурадин Рустамбек уулу (75 кг) тагынды.

Кыргызстандык мушкерлер мелдешке башкы машыктыруучу Данияр Төлөгөн уулу жана улук машыктыруучу Акыйкат Абаевдин жетекчилиги алдында катышты.