Кыргыз Республикасынын мамлекеттик герби кабыл алынганына бүгүн 26 жыл толду. Өлкөнүн негизги үч атрибутунун бири болгон герб 1994-жылдын 14-январында Жогорку Кеңештин токтому менен кабыл алынган.
Мамлекеттик гербдеги тегеректин ортосунда канатын жайган ак шумкардын сүрөтү, ортосунда Ысык-Көл жайгашкан. Анын ары жагында Ала-Тоо кыркаларынан алтын нурун чачыратып чыгып келе жаткан күндөн сүрөтү тартылган. Ал эми эки чекесине пахтанын жана буудайдын сүрөтү коюлуп, тегеректин жогорку бөлүгүнө «Кыргыз» жана тегеректин төмөнкү бөлүгүнө «Республикасы» деп жазылган.
Мамлекеттик гербдин авторлору — Асеин Абдраев жана Садырбек Дубанаев.
