Кыргызстандын мамлекеттик казына облигациялары боюнча 6-октябрга карата ички карызы 83 миллиард 215 миллион 589,8 миң сомду түздү. Бул тууралуу Улуттук банктын сайтында маалымдалды.

Ошол эле учурда көзөмөл органынын маалыматы боюнча, карыз 30-сентябрга карата 83 миллиард 95 миллион 389,8 миң сомго бааланган. Ошентип, бул убакыттын ичинде карыз 120,2 миллион сомго көбөйдү.

Өлкөнүн ички карызынын көбөйүшү Каржы министрлигинин бул сумманы эки жылдык облигациялар аркылуу алуусу менен байланыштуу. Жайгаштыруу 30-сентябрда болгон. Алгач мекеме аукциондон мамлекеттик баалуу кагаздардын эсебинен 400 миллион сом алууну пландаган. Бирок суроо-талап азыраак болгон. Соодалардын жыйынтыгында 120,2 млн сомдук облигациялар жылдык 15% менен жайгаштырылды.

Биздин Телеграм каналга катталыңыз