Бүгүн, 4-августта, айыл чарба министри Эрлист Акунбеков жана Кытайдын Кыргызстандагы элчиси Лю Цзянпин жолугушту. Анын жыйынтыгында КРдин Суу ресурстары, айыл чарба жана кайра иштетүү өнөр жайы министрлигине техникаларды жана жабдууларды жеткирүү боюнча келишимге кол коюлду.

Мекеменин маалыматында, долбоор 2015-жылдын 26-мартындагы эки тараптуу техникалык-экономикалык жардам көрсөтүү макулдашуусунун алкагында ишке ашырылат. Гранттык жардам катары министрликке 148,9 млн кытай юанына бааланган 370 даана атайын техника берилет.

Бул техникалар Суу ресурстары кызматынын ирригациялык каналдарды тазалоочу бөлүмдөрүнө арналган. Алар өлкө боюнча 7 облустук жана 40 райондук суу чарба башкармалыктарына бөлүштүрүлөт.