Кызамык менен ооруган балдардын 37,5 пайызы эмделген эмес. Бул тууралуу бүгүн Министрлер кабинетинде өлкөдөгү эпидемиологиялык абал боюнча тиешелүү мамлекеттик органдар менен кеңешмеде айтылды.

2023-жылдын соңунда кызамык оорусунун 7 миң 46 учуру катталса, 2024-жылдын 17-апрелине карата бул илдетке чалдыккан балдардын саны 8 миң 209га жетти.

Акыркы аптада оорунун саны 1,8 эсеге азайды.

Өлкөдө 138 миң бала кызамыкка каршы вакцинанын биринчи дозасын, 146 миң бала эки дозаны тең алышты.

Саламаттыкты сактоо министрлигине оорунун алдын алуу жана балдарды кызамыкка каршы эмдөө иштерин күчөтүү тапшырылды.

Биздин Телеграм каналга катталыңыз