Бишкекте 30дан ашык өлкөдөн конокторду чогулткан жана жылдын башкы маданий иш-чараларынын бирине айланган IV Эл аралык кинофестиваль соңуна чыкты.

Фестиваль 7-июндан 12-июнга чейин өттү. Анын программасына Кыргызстан, Казакстан, Кытай, Иран, Черногория жана башка өлкөлөрдүн тасмаларынын дүйнөлүк жана эл аралык премьералары кирди. Ошондой эле билим берүү иш-чаралары, сценарий боюнча мастер-класстар, питчингдер жана кесипкөй талкуулар өткөрүлдү.

Белгилей кетсек, француз актрисасы Одри Тоту фестивалдын атайын коногу болду.

Быйыл фестиваль эл аралык сынак, Борбор Азия тасмаларынын сынагы жана KyrgyzBox улуттук программасын камтыды.

Борбор Азия тасмаларынын сынагынын жеңүүчүлөрү:

• Мыкты тасма үчүн Гран-при — «Кайтадан» (Казакстан), продюсери Жалын Тлеуберген.
• Мыкты режиссура — Нуржамал Карамолдоева, «Дүнүйө» («Only Heaven Knows», Кыргызстан) тасмасы үчүн.
• Аялдын ролун мыкты аткаргандыгы үчүн — «Another Birth» (Тажикстан) тасмасынын жаш актрисаларынын дуэти.
• Калыстар тобунун атайын сыйлыгы — «Акыркы дем» («Последний рывок», Кыргызстан) тасмасы.
• Калыстар тобунун атайын белгилөөсү — «Шерменделик карнавалы» (Кыргызстан) тасмасы.

KyrgyzBox программасынын жеңүүчүлөрү:

• Мыкты тасма үчүн Гран-при — «Көз ирмем», продюсери Сүйүм Сулайманова.
• Мыкты режиссура — Руслан Акун, «Бейиш эненин таманында 2: Энеге кат» тасмасы үчүн.
• Аялдын мыкты ролу — Айлин Таалайбекова, «Кыял» тасмасы үчүн.
• Мыкты оператордук иш — Керим Касымалиев, «Жез кемпир» тасмасы үчүн.

Эл аралык сынактын жеңүүчүлөрү:

• Мыкты тасма — «On Your Lap» (Индонезия), продюсерлери Арья Ибрагим жана Гита Фара.
• Мыкты режиссёр — Ариобарзан, «The Divine Ideal of Killing» (Иран) тасмасы үчүн.
• Мыкты актриса — Шабнам Дадхах, «The Divine Ideal of Killing» (Иран) тасмасындагы ролу үчүн.
• Мыкты сценарий үчүн калыстар тобунун атайын сыйлыгы — Топчугүл Шайдуллаева жана Актан Арым Кубат, «Кара, кызыл, сары» (Кыргызстан) тасмасы үчүн.
• Калыстар тобунун атайын белгилөөсү — Малич Сиссе, «On Edge» (Италия) тасмасы үчүн.

Фестивалдын атайын сыйлыктары:
Калыстар тобу бир катар тасмаларды жана кинематографисттерди атайын сыйлыктар менен белгилешти:

• Эл аралык калыстар тобунун мыкты сценарий үчүн атайын сыйлыгын «Кара, кызыл, сары» тасмасы үчүн Топчугүл Шайдуллаева алды.
• Борбор Азия сынагынын калыстар тобунун атайын сыйлыгына режиссёр Автандил Батырбековдун «Акыркы дем» тасмасы татыктуу болду.
• Эл аралык калыстар тобунун атайын белгилөөсүнө режиссёр Давиде Анджулинин «Кыр» тасмасы татыды.
• Борбор Азия сынагынын калыстар тобунун атайын белгилөөсүн режиссёр Аман Ажыматовдун «Шерменделик карнавалы» тасмасы алды.