Майлуу-Суу шаарында таза суунун тоңгон түтүктөрүн эритүү иштери уланууда. Бул тууралуу Өзгөчө кырдаалдар министрлигинен билдиришти.

Кечээ, 22-январда 9 чакырым аралыктагы тоңгон түтүктөрдү эритүү иштери жүргүзүлгөн. Бүгүн, 23-январдан тарта 6 чакырым аралыгында эритүү иштери аткарылат.

Тоңгон түтүктөр дөңгөлөктөр жагылып эритилүүдө.

Эскерте кетсек, 12-январда катуу сууктун айынан Майлуу-Суу шаарында суу түтүктөрү тоңуп, таза суу жана жылуулук менен камсыз кылуу үзгүлтүккө учураган. Учурда шаардын көпчүлүк бөлүгүндө жылуулук берүү калыбына келтирилгени кабарланган (акыркы маалыматтар боюнча 70%га жакыны).

Ошол эле учурда таза суу бериле элек. Элге суу ӨКМ тарабынан унаалар менен ташылып берилүүдө.

Биздин Телеграм каналга катталыңыз