Кыргызстандын мурдагы президенти Аскар Акаевдин жубайы Майрам Акаева Кыргызстанга келди. Бул тууралуу 24.kg агенттигине алардын үй-бүлөлүк досу Бекболот Талгарбеков билдирди.
Анын айтымында, Майрам Акаева апасын акыркы сапарга узатуу үчүн келген. Ал Талас облусуна жөнөп кеткен. Майрам Акаева менен бирге анын уулу Илим да өлкөгө келген.
Анын апасы 104 жашында кечээ, 24-январда Талас облусунда дүйнө салган.
2021-жылдын декабрь айында экс-президент Аскар Акаев да Бишкекке келип кеткен. Ал Кумтөр иши боюнча УКМКга көрсөтмө берген болчу.
