Чүй облусунун Ысык-Ата районундагы Туюк дарыясында чакан ГЭС курулат. Долбоор Кыргызстандын Мамлекеттик өнүктүрүү банкы тарабынан каржыланат. Бул тууралуу аталган банк билдирди.

Маалыматка ылайык, долбоордун жалпы баасы 516 млн сомду түзөт.

Кичи ГЭС жылына 29,16 млн кВт саат электр энергиясын өндүрө алган кубаттуулукка ээ болот. Бул көлөм 15 миңге чейин адамды электр энергиясы менен камсыз кылууга жетет. Бул аймактагы энергетикалык тартыштыкты кыскартат.