Нарын облусуна 350 орундуу, жети кабаттуу оорукананы куруу маселеси каралууда. Бул тууралуу президенттин аталган облустагы өкүлчүлүгү билдирди.

Маалыматка ылайык, оорукана көп тармактуу болот. Анын курулушу Ислам өнүктүрүү банкынын колдоосу менен жүргүзүлөт.

Бүгүн, 26-октябрда, Нарын облусунун ыйгарым укуктуу өкүлү Нурбек Сатаров Ислам өнүктүрүү банкынын өкүлдөрү менен жолугушуп, оорукананы куруу долбоорун ишке ашыруу маселесин талкуулаган.