2025-жылдын 9-августунан тартып «Манас» эл аралык аэропортунун IATA-коду расмий түрдө өзгөртүлөт. Бул тууралуу «Кыргызстан аэропорттору» ААК билдирди.

Азыркы колдонулуп жаткан FRU коду жаңы BSZ кодуна алмашат. Өзгөртүү IATA уюмунун №763 резолюциясына ылайык жүзөгө ашырылып жатат жана 2025-жылдын 9-майында жөнөтүлгөн расмий кабарлоодон тарта 90 күн өткөн соң күчүнө кирет.

Компания жаңы кодго өтүү процесси учурунда бардык системалардын үзгүлтүксүз иштешин жана каттамдардын туура тейленишин камсыз кылуу үчүн тиешелүү техникалык жана уюштуруучулук иш-чараларды жүргүзүп жатканын белгиледи.