29-октябрда Бишкек шаарындагы Т. Сатылганов атындагы Кыргыз улуттук филармониясында манасчы Мамбет Чокмор уулунун 130 жылдыгына арналган эскерүү кечеси өтөт. Бул тууралуу Маданият министрлиги билдирди.

Маалыматка ылайык, иш-чара президенттин «Улуттук дем – дүйнөлүк бийиктик» жарлыгын ишке ашыруу максатында уюштурулууда. Эскерүү кечеси манасчынын өмүр жолун жана мурасын таанытуу, ошондой эле маданий баалуулуктарды сактоо жана өткөрүп берүүгө багытталган.

Кече саат 11:00дө башталат.