21-октябрда Бишкек шаарында Михаил Фрунзенин мемориалдык үй-музейинин 100 жылдыгына арналган көргөзмөнү ачылышы өтөт. Бул тууралуу Маданият министрлиги билдирди.

«М.В. Фрунзе музейинен Кыргыз мамлекеттүүлүгүнүн музейине чейин» аттуу көргөзмөнүн негизги концепциясы — бир инсанга арналган мемориалдык музейден соңку кыргыз мамлекеттүүлүгүнүн музейинин калыптанышын чагылдыруу.

Көргөзмөдө коноктор музейдин 1927-жылдагы биринчи жупуну көргөзмөсүнөн илимий борборго жана жаңы монументалдык имаратка ээ болгон совет доорунда маанилүү идеологиялык институтка айланганга чейинки тарыхын көрө алышат.