Орусиянын борбору Москва шаарындагы мамлекеттик академиялык Кичи театрынын сахнасында «Ак кеме» жана «Күн кармаган бала» спектаклдери коюлду. Бул тууралуу ТИМ билдирди.

Маалыматка ылайык, спектаклдер Ысык-Көл облустук Касымалы Жантөшев атындагы музыкалуу драма театры тарабынан коюлган.

Кыргызстандын Орусиядагы элчиси Кубанычбек Бөкөнтаев өз сөзүндө эки өлкөнүн маданий кызматташуусу өнүгүп жатканын белгилеп, кыргыз театрларынын алдыңкы өкүлдөрүнүн Кичи театр сыяктуу тарыхый сахнада чыгармачылык алмашуусу эки элдин маданий байланышынын жандуу далили экенин баса белгилеген.