Чет элдик лидерлер 2022-жылы Жеңиш күнүн белгилөө үчүн Москвага чакырылган эмес. Бул тууралуу Орусия президентинин басма сөз катчысы Дмитрий Песков билдирди.
«Бул биздин майрам, бул бүткүл Россия үчүн, бардык орустар үчүн ыйык майрам. Бирок биз чет элдик лидерлерди чакырган жокпуз»,-деди Кремлдин өкүлү.
Ал кошумчалагандай, бул жыл юбилейлик дата эмес – Улуу Ата Мекендик согушта Германияны жеңгендигинин 77 жылдыгы.
Ал эми Кыргызстандын президенти Садыр Жапаров 9-майда Бишкектеги Жеңиш аянтында өтө турган митинг-реквиемге катышат.
