Жогорку Кеңештин депутаты Медербек Алиев Ата күнүн белгилөөнү сунуштоодо. Ал тиешелүү мыйзам долбоорун иштеп чыгып, документ коомдук талкууга чыгарылды.

Алиев Ата күнүн 15-мартка белгилеп, аны жыл сайын майрамдоону сунуштап жатат. Аталган күн эс алуу күнү болбойт.

Депутат сунуштаган мыйзам коомдун өнүгүшүндөгү аталардын ролун жана кошкон салымын таанууга, ошондой эле үй-бүлөнү чыңдоого жана үй-бүлөдө эркектин жоопкерчилигин жогорулатууга багытталган.

Анын айтымында, Ата күнү дүйнөдөгү 20дан ашык өлкөдө, анын ичинде Италияда, Японияда, АКШда, Австралияда белгиленип келет.

Эскерте кетсек, Кыргызстанда президенттин жарлыгы менен 2012-жылы Энелер күнүн белгилөө бекитилген. Ал жыл сайын май айынын үчүнчү жекшембисинде майрамдалат.