Нарын дарыясынын жээгинде табылган сөөктүн өздүгү такталды. Бул тууралуу Нарын ОИИБден билдиргенин “СЕРЕП МЕДИА” жазды.

«Жансыз денени аныктоо боюнча иликтөө иштери жүргүзүлүп, жакын туугандары чакыртылып, ал Нарын районунун 1982-жылы туулган тургуну экени аныкталды. Маркум 2021-жылдын 30-июнь күнү үйүнөн чыгып кеткен боюнча дайынсыз болуп, изделип жаткан. Бүгүнкү күндө тергөө иштери уланууда. Маркум үй-бүлөлүү, 2 баланын атасы болчу»,— деп айтылат маалыматта.

Эскерте кетсек, ӨКМ 13-октябрь күнү саат 18:50дө Нарын дарыясынын жээгинде белгисиз адамдын жансыз денеси табылганын билдирген.