Кочкор районунун Кара-Суу айылындагы спорт залдын курулушунда Нарын облусунун Капиталдык курулуш башкармалыгынын кызматкерлери иш жүзүндө аткарылбаган иштер үчүн акча которушкан. Бул тууралуу Башкы прокуратурадан кабарлашты.

Маалым болгондой, Нарын облусунун УКС кызматкерлеринин мыйзамсыз аракеттеринин натыйжасында мамлекетке 4,5 миллион сом зыян келтирилген.

Бул факты боюнча облустун прокуратурасы тарабынан 337-берене (Кызматтык абалынан кыянаттык менен пайдалануу) боюнча кылмыш иши козголуп, тергөө амалдары жүрүп жатат.