7–9-ноябрь күндөрү Ош шаарында II Эл аралык илимий-популярдык жана агартуучулук «Сулайман-Тоо» кинофестивалы өтөт. Бул тууралуу Маданият министрлиги билдирди.

Программанын алкагында тасмалардын сынактык жана атайын көрсөтүүлөрү, лекциялар, мастер-класстар, ошондой эле Болот Шамшиевдин тасмаларынын ретроспективасы өткөрүлөт.

Иш-чара Маданият министрлигине караштуу Кинематография департаменти, Ош шаарынын мэриясы жана Ош мамлекеттик университети тарабынан уюштурулууда. Кинофестиваль кинорежиссёр Болот Шамшиевдин элесине арналат.

Долбоордун максаты — кинематография аркылуу илимди, билимди жана маданиятты жайылтуу, илимий-популярдык жана агартуучулук тасмаларды өнүктүрүү, ошондой эле эл аралык байланыштарды чыңдоо.