Нарын районунун Учкун айыл аймагында жайыттарды туура эмес пайдаланган малчыларга айып пул салынды. Бул тууралуу Айыл чарба министрлиги билдирди.

Маалыматка ылайык, Жерди жана сууну көзөмөлдөө боюнча кызматтын Нарын облустук башкармалыгы аталган жайыттарды пайдалануу тартибин текшерген.

Анда айрым малчылар «Жашыл Учкун» ишканасы тарабынан бекитилген графикти сактабаганы аныкталган. Атап айтканда, алар Чой-Жап өрөөнүндөгү жаздоо жана кыштоо жайыттарына мал жаюуну мыйзамсыз улантып келишкен. Бул эреже бузуулар үчүн жарандарга жалпы 45 миң сом өлчөмүндө административдик айып салынген.

Көзөмөл кызматы жайыттардын деградациясына жол бербөө үчүн белгиленген графикти жана жайыт мыйзамдарын так сактоо зарылдыгын эскертти.