Нарын облусунда курулуп жаткан кубаттуулугу 100 МВт болгон «Куланак» ГЭСи 2026-жылы ишке берилет. Бул тууралуу Энергетика министрлиги кабарлады.

Маалыматта айтылгандай, ГЭС Нарын шаарынан 40 чакырым батышты карай, Нарын жана Ат-Башы дарыяларынын кошулган жеринен 0,8 чакырым ылдый жагында жайгашат.

ГЭС жыл сайын 450 миллион киловатт-саатка чейинки экологиялык жактан таза электр энергиясын өндүрөрү айтылды.

Учурда ГЭСтин курулушуна 600дөн ашуун куруучу тартылган. Алардын ыңгайлуу жашоосу үчүн керектүү шарттар менен жабдылган вахталык шаарча салынган.