Кырчын жайлоосундагы Спорт шаарчасында VI Дүйнөлүк көчмөндөр оюндарынын алкагында дүйнөнүн алптарынын катышуусундагы стронгмэн боюнча мелдештер аяктады. Абсолюттук салмак категориясындагы кызыктуу күч сынашуу таймашында 10 өлкөдөн келген 19 спортчу жеңиш үчүн күч сынашты.

Оюндардын эң күчтүү адамы наамын Ирандын өкүлү Сажад Солтанинежад багындырды. Экинчи орунду жана күмүш медалды россиялык Денис Вагапов алса, байгелүү үчтүктү Казакстандан келген спортчу Вадим Макарстов жыйынтыктады.

Турнирдин жыйынтыгы жана байге фонддору:
• 1-орун: Сажад Солтанинежад (Иран) — 150 000 сом;
• 2-орун: Денис Вагапов (Россия) — 130 000 сом;
• 3-орун: Вадим Макарстов (Казакстан) — 100 000 сом.