5-сентябрда Кырчын жайлоосунда VI Дүйнөлүк көчмөндөр оюндарынын алкагындагы «Көчмөндөр ааламы» этношаарчасынын маданий программасы расмий түрдө аяктайт. Буга байланыштуу 6-сентябрь санитардык күн деп жарыяланды — масштабдуу тазалоо жана техникалык иштерди жүргүзүү үчүн шаарчанын аймагы көрүүчүлөр үчүн толугу менен жабык болот.

7-сентябрдан 10-сентябрга чейин этнокомплекс эшигин туристтер үчүн кайрадан ачып, конокторду кадимки режимде кабыл алууну улантат. Бул күндөрү кирип-чыгууга коюлган катуу чектөөлөр алынат: боз үй шаарчасына жеке автоунаалар менен тоскоолдуксуз барууга мүмкүн болот.

Ошондой эле уюштуруучулар Кырчынга чейин каттаган акысыз шаттл-автобустар 5-сентябрды кошо алгандагы күнгө чейин гана жүрөрүн эскертишет. 7-сентябрдан тарта акысыз автобустардын каттамы кайра жанданбайт.