Министрлер кабинети Бишкек шаарындагы Улуттук онкология жана гематология борборуна 10 млн 141 миң 165 сом бөлдү. Тиешелүү буйрукка өкмөт башчы Адылбек Касымалиев кол койду. Бул тууралуу өкмөттүн басма сөз кызматы билдирди.

Маалыматка ылайык, мындай чечим бейтаптарга ыңгайлуу жана коопсуз шарттарды түзүү, ошондой эле медициналык тейлөөнүн натыйжалуулугун жогорулатуу максатында кабыл алынган.

Өкмөт Саламаттык сактоо министрлигине бөлүнгөн каражаттын максаттуу пайдаланылышын камсыз кылууну тапшырды.