Төлөгөн Аматов “Окуу китеби” басма үйү” мамлекеттик мекемесинин директору болуп дайындалды. Агартуу министрлиги ал өткөрүлгөн ачык конкурстун негизинде тандалып алынганын билдирди.

Маалыматка ылайык, Аматов И. Раззаков атындагы Кыргыз мамлекеттик техникалык университетинин маалыматтык технологиялар факультетин (Автоматташтыруу жана башкаруу адистиги боюнча) жана Ж. Абдрахманов атындагы Мамлекеттик башкаруу академиясын (Санариптик мамлекеттик башкаруу адистиги боюнча) бүтүргөн.

Эске салсак, бул кызматта буга чейин Ильяс Сарыбаев иштеген, бирок ал жеке арызынын негизинде кызматтан кеткен.