15-18-январга чейин күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүүcү күтүлүүдө. Бул тууралуу ӨКМ билдирди.

Кар көчкү ошондой эле төмөнкү унаа жол тилкелерине түшүүсү мүмкүн:

• Бишкек–Ош унаа жолунун Төө-Ашуу ашуусунда, Ала-Бел ашуусунда жана Чычкан капчыгайында;
• Ала-Бука–Каныш-Кыя унаа жолунун Чапчыма ашуусунда;
• Красная-Горка–Ак-Таш унаа жолунун 0-3 чакырымдарында;
• Мырзаке–Кара-Кулжа–Алайкуу унаа жолунун 65-110 чакырымдарында;
• Каракол–Эңилчек унаа жолунун Чоң-Ашуу ашуусунда;
• Балыкчы–Казарман–Жалал-Абад унаа жолунун Көк-Арт ашуусунда.
  

ӨКМ бул күндөрү жолдор тайгак болорун билдирип, айдоочуларга унаалардын ортосундагы 500 метр аралык кыймыл чектелиши зарылдыгын эскертти.