Бүгүн, 7-октябрда Ош шаарында Курманжан Датка жана Алымбек Датка көчөлөрүн бириктирген Грибоедов көчөсү капиталдык оңдоодон кийин пайдаланууга берилди. Бул тууралуу шаар мэриясы билдирди.

Маалыматка ылайык, көчөнү оңдоп-түзөө иштерине «Аманат city» курулуш компаниясы демөөрчүлүк кылган. Аталган жолго асфальт басылып, бир тарабына тротуар жана ирригациялык лоток курулган.

Эске сала кетсек, буга чейин Ош мэриясы Грибоедов көчөсү ар кандай тосмолор менен тосулуп, дээрлик жокко эсе болуп калганын, мындан улам көчө 12 метрге чейин кеңейтилерин билдирген.