Башкы прокуратура Талас районунда жер казынасын пайдалануу боюнча мыйзам бузуу фактысы аныкталганын билдирди.

Маалыматка ылайык, 2022-жылы Талас райондук мамлекеттик администрациясынын жер комиссиясы тарабынан Беш-Таш айыл аймагынын “Карьер” участогундагы 2,2 гектар жерден кум-шагыл жана чопо казууга уруксат берилген. Бирок көзөмөлдүн жетишсиздигинен улам жайыт жерлердин катмары бузулган. Натыйжада экологияга 23 млн 430 миң сомдук зыян келтирилген.

Башкы прокуратура аталган факт боюнча кылмыш иши козголуп, тергөө амалдары жүргүзүлүүдө.