Ош шаарында Жаштардын креативдүү хабы ачылды. Жаңы хаб көп функциялуу аянтча катары кызмат кылат. Анда жаштар үчүн иш орду, билим берүү борбору, коомдук мейкиндик жана эс алуу аймагы каралган. Бул тууралуу шаар мэриясы билдирди.

Долбоор 2020-жылы «Youth of Osh» коомдук уюму тарабынан демилгеленген. Расмий ачылыш аземине Ош шаарынын мэринин орун басары Эрнис Толтоев, Жогорку Кеңештин депутаты Салтанат Аманова жана БУУӨПтүн (ПРООН) Кыргызстандагы өкүлү Александра Соловьева катышты.

Уюштуруучулардын билдирүүсүнө ылайык, борбордун негизги максаты — жаштардын өз шаарында өнүгүүсүнө шарт түзүү жана алардын миграцияга кетүүсүн азайтуу болуп саналат.