Ош шаарындагы Алымбек Датка эс алуу жайында заманбап музыкалык фонтандын курулушу башталды. Бул тууралуу шаар мэриясы кабарлады.

Жаңы объект мурунку эски фонтандын ордуна курулат. Долбоорго ылайык, анын узундугу 50 метрди түзүп, жарык жана музыкалык эффекттер менен жабдылат. Фонтан музыканын коштоосунда кыймылдаган заманбап система менен иштейт.

Шаар башчысы Жанарбек Акаев курулушка старт берип жатып, аны сапаттуу жана белгиленген мөөнөттө бүткөрүүнү тапшырган. Анын айтымында, жаңы фонтан эс алуу жайын көрктөндүрүү жана туристтик жагымдуулукту арттыруу максатында салынууда.