Ош шаарында жана Ош облусунун Кара-Суу районунда жайгашкан «Касиет» жана «Авангард» медициналык борборлору мамлекетке кайтарылды. Бул тууралуу УКМК билдирди.

Маалыматка ылайык, Г.А.Н. аттуу жарандын жана ага тиешеси бар адамдардын мүлкүн текшерүүнүн натыйжасында, 2005-2007-жылдар аралыгында жогоруда аталган медициналык мекемелердин жер тилкелери соттун мыйзамсыз чечимдеринин жана жасалма документтердин негизинде муниципалдык менчиктен алынганы белгилүү болгон.

Жүргүзүлгөн иштердин натыйжасында «Касиет» медициналык борбору Ош шаардык мэриясынын балансына өткөрүлгөн. Ошондой эле, «Авангард» медициналык борбору Кара-Суу райондук мамлекеттик администрациясынын балансына кайтарылган.