Ош шаарында индиялык студент Ак-Буура дарыясына агып кетип каза болду. Бул тууралуу шаардык ички иштер башкармалыгынан кабарлашты.
Маалыматка караганда, студент 29-май күнү түнкү саат 3:00 чамасында агып кеткен. Издөө иштеринен кийин анын сөөгү эртең менен саат 9:30да табылган.
Учурда маркумдун өлүмүнүн себебин аныктоо үчүн экспертиза дайындалган. Алдын ала маалыматтар боюнча чет өлкөлүк жаран достору менен спирт ичимдигин ичип алып, сууга мас абалында түшкөн.
Ал медициналык окуу жайда 3-курста окуп жаткан.
