Бүгүн, 22-июнда, Өзбекстандын премьер-министри Абдулла Арипов Кыргыз Республикасына жумуш сапары менен келди. Аны «Ысык-Көл» эл аралык аэропортунан Кыргызстандын Министрлер кабинетинин төрагасы Адылбек Касымалиев тосуп алды. Бул тууралуу Минкабдын басма сөз кызматы кабарлады.

Маалыматка ылайык, бул иш сапардын алкагында 23-июнда Адылбек Касымалиев менен Абдулла Ариповдун жетекчилиги астында эки тараптуу кызматташуу боюнча биргелешкен өкмөттөр аралык комиссиянын 12-отуруму өтөт.

Жыйындар тар жана кеңейтилген курамда уюштурулуп, анда кызматташтыктын багыттары талкууланат. Отурумдун жыйынтыгында бир катар документтерге кол коюлушу күтүлүүдө.