Ысык-Көлдүн Кырчын жайлоосунда өткөн 200 чакырымдык «Көчмөндөр жүрүшү» ат марафонунда Кочкор районунун «Байэл» командасы экинчи орунду ээледи.

Калыйбай Саралаев жетектеген команда эки күнгө созулган ат чабыштын жыйынтыгында Көчмөндөр оюндарына катышуу үчүн үч жолдомо утуп алды. Бул команданын аталган оюндарга алган экинчи жолдомосу болуп саналат. Буга чейин бир ай мурда Ивановкада өткөн марафондо аталган команда төртүнчү орунду ээлеген.

Мелдеште биринчи орунду Түп районунун командасы, ал эми үчүнчү орунду Кочкор районунун башка бир командасы камсыз кылды. Марафонго өлкөнүн ар кайсы аймактарынан келген күчтүү чабандестер катышып, аттардын чыдамкайлыгы сыналды.