14-сентябрь күнү  бензинге ууланган Ош шаарынын  29 жаштагы тургуну, ооруканадан чыгарылды.  Ош шаардык милициянын божомолунда ал өз өмүрүн кыюу үчүн бензин ичкен. Учурда териштирүү иштери жүрүп жатат.

Буга чейин жалпыга маалымдоо каражаттарында, келиндин бензин ичип алып бейтапканага түшүп калганы боюнча маалымат тараган.

Жергиликтүү ооруканадан билдиришкендей, дарыгерлер ашказанын толугу менен жууп, тазалап чыгышкан. Башка органдарына залал келбегендиктен, бензинге ууккан күнү эле үйүнө чыгарышкан.