Бүгүн, 19-мартта Жогорку Кеңеш кыргыз-тажик мамлекеттик чек арасы жөнүндөгү келишимди ратификациялоо тууралуу мыйзамды үч окууда кабыл алды.

Келишимин бекитүүгө 86 депутат добуш берди. Анын ичинен 85 депутат “макул”, 1 депутат “каршы” болду.

Мындан тышкары жыйында Кыргызстан менен Тажикстандын ортосундагы автоунаа жолдорун куруу, суу-энергетика боюнча келишимдер да бекитилди.

Эске салсак, 13-мартта Эмомали Рахмондун Кыргызстанга болгон сапарынын алкагында эки өлкөнүн башчылары кыргыз-тажик мамлекеттик чек арасы жөнүндө келишимге кол коюшкан.