Кыргызстанда пластик калдыктары менен иштөө тартиби боюнча токтом кабыл алынды. Токтомго өкмөт башчы Адылбек Касымалиев кол койду.

Токтомдо пластик калдыктарын чогултуу, сактоо жана кайра иштетүүдө мамлекеттик органдар, анын ичинде жергиликтүү өз алдынча башкаруу органдары, юридикалык жана жеке жактар үчүн эрежелер каралган.

Токтомдун максаты – калдыктар менен иштөөдө калктын санитардык-эпидемиологиялык бейпилдигин камсыз кылуу.

Бул Тартип радиоактивдүү жана медициналык пластик калдыктарына, туруктуу органикалык булгоочу заттарды камтыган пластик калдыктарына жайылтылбайт.