Президент Садыр Жапаров “Дин тутуу эркиндиги жана диний уюмдары жөнүндө” мыйзам долбоорун талкуулоо үчүн диний ишмерлери менен жолугуп, даават тууралуу оюн айтты.

Жолугушууда Жапаров Кыргызстанда даават айтууга тыюу салынбай турганын, 1990-жылдардан кийин көптөгөн жарандар даават уккандан кийин оң жолго түшкөнүн билдирди.

“Дааватты мечиттерге чогултуп, аш-тойлордо, маркумду акыркы сапарга узатууда, эл чогулган жерлерде, WhatsApp тайпаларда, соцтармактарда айткыла. Азыр 21-кылымда даават айтуу үчүн түрдүү мүмкүнчүлүктөр бар. Мисалы айылдардагы WhatsApp тайпаларга “саат мынчада мечитке чогулгула, дааватчы келди, даават уккула” десеңер, заматта чогулуп калышат. Азыр ар бир айылда мечит бар да”, – дейт ал.