Улуттук банкта 40 тоннадан ашык алтын бар. Бул тууралуу бүгүн, 28-декабрда Министрлер кабинетинин жыйынтыктоочу жыйынында Улуттук банктын төрагасы Кубанычбек Бөкөнтаев билдирди.

Анын сөзүнөн кийин президент Садыр Жапаров 40 тонна алтын “чын эле барбы же жөн эле айтып жатабы?” деп сурады.

“Ал алтын бар. Алтын боюнча бизге парламенттен комиссия келмек. Биз комиссияга алтынды көрсөтүп бермекпиз. Аларды күтүп жатабыз”, – деп жооп берди Бөкөнтаев.

Андан соң Жапаров тамашалап, депутаттарды чакырып, алтынды карматып сүрөткө түшүрүп коюш керектигин айтты.

Анын тамашасына Министрлер кабинетинин төрагасы Акылбек Жапаров күлдү.

Биздин Телеграм каналга катталыңыз