Чүй облусунун аймагында «Экстремист» аталышындагы рейд жүрүп, жыйынтыгында курал-жарактар, унаалардын номурлары табылды. Бул тууралуу облустук ички иштер органдары маалымдады.

Тинтүү иштери Кылмыш-жаза кодексинин «Экстремисттик материалдарды даярдоо, таратуу» беренеси боюнча козголгон кылмыш иштеринин алкагында 48 даректе жүргүзүлгөн.

Жыйынтыгында үйлөрдөн төмөнкү буюмдар табылып, далил катары алынды:

• 681 диний китеп, 50 китепче жана 8 дептер;
• 59 уюлдук телефон, 3 компьютер процессору, 1 ноутбук жана 1 планшет;
• 4 DVD, 3 CD диск, 2 USB-флешка жана 1 видеокамера;
• 3 сайсыз мылтык, 935 ок-дары жана 2 бычак;
• Автоунаалардын 27 мамлекеттик номери.

Милиция учурда алынган буюмдар боюнча экспертизалар дайындалганын билдирди. Тергөө иштери уланууда.