Укук коргоо кызматкерлери тарабынан каракчылык кылууга шектелип үч жигит кармалды. Бул тууралуу Бишкек шаардык ИИББдин басма сөз кызматы билдирди.

Маалыматка ылайык, 3-августта «102» кызматына Жунусалиев көчөсүндөгү үйгө үч жигит кирип, кожоюнун сабап, байлап салышканы, андан кийин анын уюлдук телефонун жана 120 миң сомун алып кетишкени тууралуу маалымат түшкөн. Бул факт боюнча Кылмыш-жаза кодексинин 207-беренеси (каракчылык) менен кылмыш иши козголгон.

Бишкек ШИИББдин Кылмыш иликтөө башкармалыгынын ыкчам кызматкерлери шектүүлөрдүн өздүгүн такташкан. Алар 23 жаштагы Ж.Э. менен О.Р., ошондой эле 22 жаштагы Д.Д. экени аныкталган. Шектүүлөр кармалып, убактылуу кармоочу жайга киргизилген. Учурда тергөө уланууда.