Садыр Жапаров 30-майда, Казакстанстандын Касым-Жомарт Токаевдин чакыруусу менен «Борбор Азия-Италия» биринчи саммитине катышуу үчүн  Астана шаарына барат. Бул тууралуу президенттик администрациянын тышкы саясат бөлүмүнүн башчысы Сагынбек Абдумуталип билдирди.

Саммиттин темасы «Жалпы горизонттор. Глобалдык туруктуулук үчүн Борбор Азия менен Италиянын диалогу» деп аталат. Саммит Борбор Азия өлкөлөрү менен Италиянын кызматташтыгын өнүктүрүү боюнча пикир алмашуу максатын көздөйт.

Саммитке Борбор Азиянын мамлекет башчылары, ошондой эле Италиянын Министрлер кеңешинин төрайымы Жоржа Мелонинин катышуусу күтүлүп жаткандыгы айтылды.