Рим шаарында Кыргызстандын Соода-өнөр жай палатасы менен Иран жана Экономикалык кызматташтык уюмуна (ЭКО) кирген өлкөлөр боюнча Италиянын Соода-өнөр жай палатасынын ортосунда өз ара түшүнүшүү жана кызматташуу жөнүндө меморандумга кол коюлду.

Документке Кыргызстандын Соода-өнөр жай палатасынын атынан уюмдун вице-президенти Мамасадык Бакиров кол койгон.

СӨЖПнын маалыматында, меморандум эки өлкөнүн ишкерлеринин ортосундагы түз байланыштарды түзүүгө багытталган.

Макулдашуу коммерциялык маалыматтарды алмашууну, бизнес-миссияларды жана B2B жолугушууларды уюштурууну, компаниялардын көргөзмөлөргө катышуусун камсыз кылууну жана биргелешкен инвестициялык долбоорлорду иштеп чыгууну карайт.