Саламаттык сактоо министрлиги дарыгерлерди жана жаш адистерди ишке тартуу үчүн каржылык жана социалдык колдоолорду сунуштады. Бул тууралуу министрлик маалымат таратты.

Ага ылайык, алыскы райондорго, чакан шаарларга жана айылдарга жиберилген педиатр, неонатолог, жалпы хирург, анестезиолог-реаниматологдорго:

– айына 20 миң сом компенсация;

– туруктуу иштегендерге квартал сайын 66 миң сомдон кошумча төлөм төлөнөт.

• Бишкек жана Ош шаарларындагы Тез жардам кызматынын дарыгерлерине – 20 миң сом компенсация.

• Аймактарда ординатурадан же интернатурадан өтүп жаткандарга – 20 миң сом стипендиялык колдоо.

Мындан сырткары, кайра даярдоо жана квалификацияны жогорулатуу программалары, кесиптик өсүү мүмкүнчүлүктөрү, социалдык пакетке кепилдик берилет.