Кыргызстандын президенти Садыр Жапаров V Элдик Курултайды өткөрүү, делегаттарды шайлоо жана координациялоо боюнча уюштуруу комитетинин курамын өзгөрттү. Бул тууралуу президенттин басма сөз кызматы билдирди.

«Кезектеги V Элдик Курултайды өткөрүү жөнүндө» жарлыкка өзгөртүүлөрдү киргизүү тууралуу документке ылайык, уюштуруу комитетинен Мамбеткерим Чекиров, Аяз Баетов жана Канат Сагынбаев чыгарылды.

Ошондой эле төмөнкүлөр комитеттин курамына киргизилишти:

• Алмаз Айылчиев — Кыргыз Республикасынын юстиция министри;
• Алмаз Имангазиев — Кыргыз Республикасынын эмгек, социалдык камсыздоо жана миграция министри;
• Чолпонкул Арабаев — И. Арабаев атындагы КМУнун Юридикалык институтунун юриспруденция кафедрасынын башчысы, академик;
• Сулайман Кайыпов — Улуттук илимдер академиясынын Философия институтунун социалдык философия бөлүмүнүн башчысы.